მეცხრე დღე   

  დასრულდა ჩვენი ტრენინგი, რომელიც მეტად საინტერესო და სასარგებლო იყო თითოეული ჩვენგანისათვის. გავეცანით ბევრ სიახლეს, მე პირადად კარგი გამოცდილება შევიძინე რომელსაც შემდგომში აუცილებლად გამოვიყენებ პრაქტიკაში. შევეცადე პორტფოლიო სრულყოფილი გამოსულიყო. დიდი გულისყურით მოვეკიდე მოცემულ დავალებებს, მაქსიმალურად შევეცადე დამეკმაყოფილებინა ყველა მოთხოვნა, რასაც ტრენინგი ითვალისწინებდა. ველოდები საბოლოოდ როგორ შეფასებას დავიმსახურებ. 

  რაც შეეხება ჩვენს ტრენერს ბატონ დათოს, მინდა მას უღრმესი მადლობა გადავუხადო გულისხმიერი მუშაობისათვის. ის ძალიან კარგი ტრენერია და ყოველთვის დიდი გულისყურით ეკიდებოდა  საქმეს,ყოველ ტრენინგზე ცდილობდა მაქსიმალურად გამოეყენებია დრო და რაც შეიძლება ბევრი სიახლე მიგვეღო.იმდენად საინტერესო ტრენინგი იყო , გულიც კი მწყდება რომ დავამთავრეთ. მომავალშიც სიამოვნებით დავესწრებოდი მსგავსი ტიპის  ტრენინგებს.

რეფლექსია მერვე დღე.

    ერთი დღე და დამთავრდება ჩვენი ტრენინგი. თავიდან მეგონა რომ ცხრა დღე ბევრი იყო და როდის დასრულდებოდა,მაგრამ ისე საინტერესოდ გაიარა გულიც კი მწყდება რომ ვამთავრებთ. დღეს ტრენერთან ერთად განვიხილეთ შესრულებული დავალებები ,შევიტანეთ მცირედი კორექტირება და თითქმის დავასრულეთ.

  დღეს ვისწავლეთ როგორ უნდა მიემაგროს პრეზენტაციაზე ფაილები. ბევრი სიახლე მივიღე ამ ტრენინგიდან. ძალიან  კარგი ინიციატივაა ასეთი ტრენინგები რომ ტარდება. ეს ხელს უწყობს მასწავლებელს პროფესიულ ზრდაში.

რეფლექსია - მეშვიდე დღე.

  დღევანდელი დღეც წინა დღეების მსგავსად ნაყოფიერი აღმოჩნდა. განვიხილეთ სახლში შესრულებული დავალებები. წარმოვადგინე დაგეგმილი პროექტის ჩემს მიერ შექმნილი ბუკლეტი. თითქმის დავასრულეთ დავალებები, მცირე დეტალებიღა დაგვრჩა. მიხარია რომ თავი კარგად გავართვი ყველა დავალებას, ეს ბატონი დავითის დამსახურებაა რადგან დეტალურად და ამომწურავად გვიხსნის ყველაფერს რაც საჭიროა პროექტზე მუშაობისათვის.

   დღეს დავასრულეთ გეგმაზე მუშაობა ,შევქმენით პროექტის პორტფოლიო  და ვისწავლეთ ბლოგზე მისი გამოქვეყნება. მიუხედავად იმისა, რომ კარგად ვფლობ კომპიუტერთან მუშაობის უნარ-ჩვევებს , ამ პროექტმა ბევრი ახალი და სასარგებლო ცოდნა და გამოცდილება შემძინა.